من كام يوم Cristiano Ronaldo نجم كرة القدم عمل البوست ده وكتب kaizen philosophy بعد تأكد شفائه من فيروس كورونا منذ إصابته في ١٣ اكتوبر الي فات
"كرسيتانو رونالدو" الأسطورة الحية افضل لاعب في العالم ٥ مرات و ناس كتير بتصنفه من أفضل الرياضيين في التاريخ لاصراره وإنجازاته وأنه بيشتغل علي نفسه ودايما عنده هدف طويل الأجل شايفه و بيروحله بخطوات ثابتة خليته و هو في سن ال ٣٥ لسه قادر ينافس في مستويات عاليه.
ده هو مفهوم ال kaizen معني الكلمه نفسها هو التحسين المستمر أو التحسين للافضل.
وده الفكر الياباني الي وصلوه للعالم كله أن التحسين والتطوير لازم يبقى جاي من جواك مش لازم حد يحركك والي بقي بعد كده من أساسيات تطبيق التصنيع الرشيق Lean manufacturing
انت كمان في حياتك عموما أو في شركتك لازم يبقي في فكر الكايزن وأن كل يوم لازم يبقي في تطوير حتي لو بسيط
هنعمل كذا بوست تاني نشرح فيه ايه انواع الكايزن؟ وازاي بتعمل kaizen event؟ وازاي تحفز العاملين في الشركة يطلعوا افكار تحسين؟
ياريت تشاركوا معانا تجاربكم في شركتكم و حابين نتكلم عن ايه اكتر في البوست الي جاي
حاجه اخيره رونالدو اول ماتش ليه بعد ما رجع من الكورونا لعب ٣٤ دقيقة من الشوط التاني جاب فيهم جونين
